Kirol Arloko diru-laguntzei dagokienez, aurreko urtean bezala, subentzio guztiak deialdi bakarrean bildu dira. Horretarako, zortzi diru-laguntza ardatz ezarri dira: oinarrizko kirolaren sustapenerako Getxo Kirolekin hitzarmen bat adostuta duten tokiko kirol-eskolak (265.400 euro); denboraldi lehiaketetan parte hartzen duten klubak eta bakarkako probetan parte hartzen duten kirolariak (325.000 euro); amaierako faseetan parte hartzeagatik eratorritakoak (23.000 euro); kirol ekitaldien antolaketa udalerrian (105.000 euro); bertako kirol tradizionalak (28.568 euro); arrisku handiko eta abenturazko kirolak (4.000 euro); festetako kirol ekintzak (3.272 euro); eta 8 eta 12 urte bitarteko umeek entrenamenduetan euskara erabiltzea sustapena (16.000 euro).
"Laguntza horiek hainbat irizpideren arabera emango dira: besteak beste, aintzat hartuko dira emakumeen kirolaren sustapena, pertsona elbarrituentzako ekintzen antolaketa eta kluben inplikazioa udalerriko kirol politikan, eskola-kirol programen bitartez", azaldu dute udal arduradunek. Interesa duten klub eta pertsonek deialdi horretako oinarriak eta eskariak egiteko epeak Getxo Kirolen webgunean aurkitu ditzakete.
Kultur elkarteentzako diru-laguntzak
Aurtengo deialdiaren helburu nagusia da Getxoko kultur elkarteei laguntzak eskaintzea, ohiko jarduerek sortutako gastuak bai eta gastu arruntak ordaintzeko. Diru-laguntzak eskatzeko, talde interesdunek helbide soziala Getxon izan behar dute, elkarte izaera eduki eta laguntzen emakida arautzen duen udal ordenantzan ezarritako baldintzak bete. Halaber, ezinbestekoa da elkarte interesdunen zeregina udalerriarentzat interesgarria izatea, udalak edo bere erakunde autonomoek garatutako jarduera kulturalak hobetu, osatu edo ordezkatzen dituztela. Era berean, diru-laguntza jaso ahal izango dute izate juridikoa ez duten elkarteek, baldin eta Getxon helbide soziala badute eta diru-laguntzen xede diren proiektuak edo jarduera kulturalak garatzen badituzte.
Kirolariek eta kirol elkarteek diru-laguntzak eskatzeko epea zabalduko dute Getxon
Getxo Kirolak udal erakundeak tokiko klubek eta kirolariek diru-laguntzak eskatzeko epea zabalduko du martxoaren 1ean. Guztira, 770.240 euro emango dira diru-laguntzetan, bai kirol elkarteei euren ohiko ekintzan laguntzeko (ekintzen antolaketa, lokalen alokairua, ohiko gastuak, eta abar) bai banakako txapelketetan parte hartzen duten goi mailako kirolariak laguntzeko ere. Álvaro González zinegotziak azaldu duenez, “udal-bilketako sarrera jaitsierak iazko kopurua %20 murriztera behartzen gaitu”. Era berean, Gonzálezek klubei eskertzen die “egindako lana eta diru-laguntzak murrizteko erabakia hartu behar izana ulertzea”. Bestalde, martxoaren 26ra arte zabalik dago kultur elkarteek diru-laguntzak eskatzeko epea. Eskabideak aurkezteko inprimakiak eta deialdiaren informazioa udal web orrian (www.getxo.net) eskura daitezke eta Getxoko Kultur Etxearen bulego nagusian (Villamonte A-8, Algorta) zein herritarren arretarako bulegoetan aurkez daitezke. Argazkian, hainbat mutil esku-pilotan jokatzen / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun