Igande honetan, hilak 3, gure historiaren aspektu batzuk (zirgariak, Txo, traineruak…) ezagutzeko doako bisita izango da udalerritik, Getxoko Udalak antolatutako “Maia Egutegia” proiektuaren "Kultura arteko gidariak" ekimenaren barruan. “Denboran zehar: Getxoko ogibideak eta kirolak” ekimenean parte hartu nahi duten pertsonak 11:00etan Areetako Bizkaiko Zubiaren ondoren izango den topalekura hurbildu beharko dira. Paseoaren iraupena bi ordukoa izango da eta Bidezabal metro geltokian amaituko da. “Kultura arteko zubiak eraikiz gozatuko duzu” lelopean, “Kultura arteko gidariak” proiektuak atzerritarrak euskal kulturara hurbildu nahi ditu, eta aldi berean bere ohiturak eta berezitasunak zabaldu ere, udal iturriek azaldu duenez. Ekimenak bertoko lagunak eta atzerritarrak euskal kulturaren ospakizunen inguruan elkartzea helburu duen “Maia Egutegia” ekimenari amaiera ipiniko dio. Argazkiak, "Zirgariak" antzezlanaren irudi bat / cc-by-nc-nd Agirregabiria.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun