Hilaren 6an, asteazkenean, “Berdintasuna kirolean: aurrerapenak eta erronkak” hitzaldia izango da Ainhoa Azurmendi kirolaria eta kirol-aholkulariaren eskutik, Villamonteko kultur aretoan, 19:00etan. Toki eta ordu berberetan, baina martxoaren 14ean, “Emakume getxotarren esperientziak kirolean” gaiari buruzko mahai-ingurua izango da. Parte hartzaileak honako hauek izango dira: Yahaira Agirre, goi mailako kirolaria eta judoka; Matxalen Sangroniz, Fadurako ikastaroan erabiltzailea eta neska kirolarien ama; Luisa Alonso Cires, mendizalea eta “Mujerse Pyrenaica” blogaren sortzailea eta geilea; Maite Arraiza goi mailako kirolaria, triatleta eta atleta; Eva Cisneros gomazko paletako jokalaria (kirol federatua) eta Isabel Rodriguez Bergaretxe, Getxo Rugby taldekoa.
Hilaren 18an, 19:00etan, emakumek gai desberdinei buruz egindako laburmetraien emanaldia izango da Villamonteko kultur aretoan. Laburmetraiak eta egileak hurrengoak izango dira: Tania Arriagaren “La espinita”, Azucena de la Fuenteren “Tarde casting”, Rosa Marquezen “Burocracia”, Laura Gonzálezen “La pelota de fútbol”, Carlota Coronadoren “Libra”, Oriana Alcaineren eta Alejandra Marquezen “5 recuerdos”, Alaitz Aranzenaren eta Maria Ibarretxeren “Exhibition 19”, eta Mabel Lozanoren “Escúchame”.
Jarduerek haurtzaindegi zerbitzua izango dute, baina aurretiko izen-ematea egin beharko dute interesdunek 944 660 136 telefono zenbakian edo berdintasuna[abildua]getxo net helbidean. Informazio gehiago: www.getxo.net helbidean.
Kirolean berdintasuna sustatzea dute helburu Emakumeen Eguneko jarduerek Getxon
“Berdintasunaren alde, kirolaz blai!” izango da aurten Getxoko Udalak martxoaren 8ko Emakumeen Nazioarteko Eguna aldarrikatzeko antolatutako jardueren programaren leloa. “Helburuak dira kirolaren jardueran egun dauden desberdintasunak aztertzea, emakume kirolarien onarpen soziala sustatzea, kirol jarduerak balioan jartzea eta emakumeak kirola praktikatzen animatzea”, azaldu du Keltse Eiguren Berdintasun zinegotziak gaur goizeko prentsaurrekoan. Aurtengo berritasunen artean, tokiko erakundeak puntu lila iraunkor bat pintatu du Algortan, hain zuzen ere, Torrene eta Telletxe kaleen artean, pasa den azaroan Areetako Bizkaiko Plazan pintatutakoaren antzekoa. Bigarrenik, martxoak 10erako, iganderako, bi puntuen arteko martxa antolatuta dago. "Puntuak emakumeek pairatzen duten indarkeriaren kontrako etengabeko jarreraren sinboloa dira", adierazi du Eigurenek. Argazkian, Keltse Eiguren zinegotzia aurreko prentsaurreko batean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun