Erandion, Bilboko Arte Ederren Museora bisita eginez emango diete hasiera astelehenean, martxoaren 8ko Emakumeen Nazioarteko Egunaren inguruan antolatutako ekitaldiei. Egun berean, ohiko batzar nagusia egingo du Erandioko Emakumeen Elkarteak, 18:15ean, Altzagako postetxe zaharrean. Hurrengo egunean, berriz, bazkaria izango da, 14:30ean, azoka zaharrean. Oturuntzarako lekua aipatu taldearen San Agustin plazako 1. zenbakiko egoitzan hartu beharko da. Hilaren 7ra helduta, “Alimentación nutritiva y saludable para mujeres y hombres” izenburuko hitzaldia antolatu du Astrabuduako Emakumeen Elkarteak. Hitzordua 16:30ean jarri dute Josu Murueta kultur etxean eta María Lourdes Portal biologoa eta berdintasunean adituak hitza hartuko du. Egun berean, jaia egingo du Erandioko Emakumeen Elkarteak, Altzagako azoka zaharrean, 18:30ean. Azkenik, martxoaren 8ko Emakumeen Nazioarteko Egunean, bi taldeek bat egingo dute elkarretaratzea eta Altzagatik Astrabuduara arteko martxa egiteko. Udaletxe aurretik, Irailaren 23a plazatik abiatuko dira, 12:00etan. Argazkian, martxoaren 8ko elkarretaratzea Erandioko udaletxe aurrean, aurreko batean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun