![](http://farm5.static.flickr.com/4067/4222714330_446fc9b91e_n.jpg)
Getxoko Udaleko Gazteria Zerbitzuak baliabideen gida bat argitaratu berri du udalerriko gazteentzat. Liburuxka horretan honako hauek jasotzen dira: tokiko elkarteen baliabideei buruzko informazioa, gazteen intereserako elkarteak edo kirol-taldeak esaterako; jardueraren zati bat edo guztia gazteei begira egiten duten udal-zerbitzuak; gazteentzako ekipamenduak eta informazio nahiz orientazioko zerbitzuak. Izenak berak dioenez, gidak Getxoko haurrek, nerabeek eta gazteek, bai eta haren familiek ere izan ditzaketen baliabide batzuk baino ez ditu jasotzen, hain zuzen ere, aisialdian, informazioan, partaidetzan eta abarretan dituzten beharrei zein eskaerei erantzuna emateko. Gida eskuragarri dago jada udal-liburutegietan, Kultur Etxearen aretoetan eta Gazte Informaziorako Bulegoan. Gainera, ale-kopuru bat dago eskatzen duen orori bidali ahal izateko. Eskaera udal webgunearen (
www.getxo.net) Gazteria atalaren bidez egin beharko dute pertsona interesatuek, eta bide horretan ematen duten posta-helbidera bidaliko diete. Argazkian, hainbat neska-mutil Algortako Urgull kaleko Gauegun gaztelekuan / © Getxoko Udala.