Babes horren ostean, kongresuko momentu esanguratsuena iritsi da: batukadaren soinu eta erritmo artean, antolakundearen izena eta logoa estaltzen zuen oihala jaitsi da. Izena argitara eginda, Ernaiko bozeramaileak atera dira jendaurrera, izenari izana ematera: Aitor Anda, Mikel Button, Gotzon Elizburu, Maialen Etxeberria eta Irati Sienra. Etxeberriak hartu du hitza elkartu diren gazte guztien izenean.
Ernai gazte antolakundearen aurkezpenaren unea (cc-by-nc Topatu.info)
Ernai gazte antolakundea (cc-by-nc Ernai Antolakundea)
Mila gazte ingururen aurrean ernaldu da Ernai, Ezker Abertzaleko gazte antolakundea, Topatu.info agerkari digitalak aditzera eman duenez. Lizarrako Remontival pilotalekuan aurkeztu dute Zukgua prozesuan Hego Euskal Herriko milaka norbanakok gorpuztutako bilgunea. Euskal Estatu sozialista eta feminista helburu, herriz herri antolatu eta lan egiteko garaia dela adierazi dute, borrokarako unea dela. Kongresua amaitu ostean, kalejiran eta jai giroan abiatu dira gazteak herrirantz. “Izan ala ez izan, hor dago gakoa”. Gogoeta horrekin hasi da ekitaldia, izate eta egitearen garrantzia nabarmenduz. Jarraian, hiru gaztek Zukgua prozesua nola bizi izan duten kontatu dute, nork bere ikuspuntutik: sentipenetatik, esperientziatik eta umoretik. “Ni neu izateko, gu geu izateko” erabakia hartu izana erabakia hartu dute, eta hala azaldu dute kantuz ere. Ondoren, Joseba Alvarez, Ainhoa Etxaidek eta Oier Gonzalezek hartu dute hitza Sortu, LAB eta EPPKren izenean. Argazkia: cc-by-nc Topatu.info.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun