Maiztasunetan gertatu den txikitze hori "are handiagoa da 1 eta 2 lineetako B eta C zonaldeetan eta, hortaz, Bilbotik urrunen dauden udalerriak izan dira kalte larrienak jasan dituztenak", tokiko agintariek gaineratu dutenez. "Horrek, berez, udalerri batzuetan dagoeneko murritzak diren maiztasunei zigor erantsia dakarkie. Burutu den maiztasun-txikitze hori ez da murrizketek eragindako zonaldeetan egindako inongo demanda-azterlanetan funtsatzen, eta ez dauka inolako arrazoiketa teknikorik ere", Sopelako Udalak kritikatu duenez.
Metroen maiztasunean egindako murrizketak bertan behera uztea eskatu du Sopelako Udalak
Otsailaren 28an egindako ohiko osoko bilkuran, Sopelako Udalbatzak Garraio Partzuergoari, Bizkaiko Foru Aldundiari eta Metro Bilbaori eskatu zien zerbitzuak berriro 2013ko urtarrilaren 9ra arte egon ziren bezala jar ditzatela, Metro Bilbaok ematen duen zerbitzuaz gozatzen jarraitzea ahalbidetzen duten maiztasunak eskainiz. Proposamena alkatetza daukan Bildu udal taldeak aurkeztu zuen, eta koalizioaren aldeko botoak lortu zituen. EAJk, aldiz, kontra bozkatu zuen, eta PSE-EE (2) eta PP abstenitu egin ziren. Saioa Villanueva alkatearen kalitate-botoak berdinketa haustea lortu zuen, eta azkenean proposamena onartu egin zen. PPk ere gai honekin lotuta mozio aurkeztu zuen, baina Udalbatzak ez zuen onartu. Proposamenak dioenez, urtarrilaren 9an Metro Bilbaoko zuzendaritzak "aldebakartasunez" erabaki zuen "lanegunetan, 09:30 eta 21:00 orduen artean, zerbitzuen maiztasuna %10 murriztea". "Horretarako, 2012an joan-etorriak %2 gutxitu zirela izan zen eman zuen arrazoi bakarra", adierazi dute udal iturriek. Argazkian, bidaiariak metro geltoki batean, artxiboko irudian.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun