Txinako ordezkariek, 6 kazetarik eta 5 bidai agentek Getxo udalerria bisitatu zuten atzo, igandea, asteazkenera arte autonomi erkidegoan barrena egingo duten bost eguneko bidai baten barruan. Talde txinatarrak EAEko hiru euskal hiriburuak eta Arabako Errioxa ere bisitatuko ditu, baita tokiko Turismo arloko enpresariekin batzarrak izan ere. Bizkaiko Zubia, Gizadiaren Ondarea dena, Getxo bisitatzeko aukeratutako baliabide turistikoa izan zen, udal iturriek zehaztu dutenez. Halaber, gonbidatutako bidai agente eta kazetariek udalerriko ondarearen "oparotasuna" ezagutzeko aukera izan zuten Zugatzarte-Arriluze eta Portu Zaharra bisitatuz. Ereagako hondartzako Igeretxe hotelean aurkezpena izan zuten ardoa dastatzeko saio berezi batez, Plentziako badiako laborategi enologikoan zahartutako ardoak izan baitziren. Bidaia Turespañak, Basquetourrek (Turismoaren Euskal Agentziak) eta Turquish Airlinesek egindako elkarlanari esker izan da posible. "Horren helburua da Euskadira garatzeko bidean dauden urruneko merkatuetako bisitariak erakartzea da, Bilbo eta Estambulen artean sortu diren konexio berrien bitartez –asiar herrialdeetarako sarbideak direnak-", azaldu dute Udal getxoztarretik. Argazkian, Txinako ordezkariak Igeretxe hotelean / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun