Guardia Zibilak Bizkaian droga-trafikoan aritzen omen zen talde antolatu bateko ustezko sei kideak atxilotu ditu eta 67 kilo droga konfiskatu ditu. Espainiako Gobernuaren EAEko Ordezkaritzak gaur zabaldutakoaren arabera, aipatu operazioa Bizkaitik Alacantera 1.500 gramo speed zeramatzaten bi pertsona atzeman ostean abiatu zuten. Ikerketak Bilboko 4. Instrukzio Epaitegiak zuzendu ditu, eta, horien arabera, droga Portugaleteko bizilagun batek eman ziela jakin zuten. Pertsona hori Euskal Herria eta Andaluzia arteko hainbat zerbitzugunetan haxixa jasotzen zuen talde bateko partaidea omen zen. Droga Andaluziatik ekartzen omen zuten, horren parte bat eurentzat gorde eta soberakinak Frantziara eramanez, beste talde baten laguntzarekin. Ikerketa burututakoan, beste lau lagun atxilotu zituzten, Madriletik Erandioko beraien etxebizitzara, 20 kilo haxix zeramatzatelakoan.
Atxilotu ondoren egindako izapideek 45 kilo haxix eta 2,14 kilo marihuana konfiskatzea ahalbidetu ei dute. Guardia Zibilaren arabera, talde horrek bi edo hiru bidaia egiten zituen hilean. Gainera, drogaz gain, 50.000 euroko balorea duten ondasunak ere konfiskatu dituzte.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun