Larunbat honetan, hilak 9, Ernai Ezker Abertzaleko gazte antolakunde sortu berriaren aurkezpena egingo dute Algortan. Horrekin batera, eguna, martxoaren 29tik apirilaren 1era Urduñan izango den Gazte Danbada jaialdiaren berri emateko ere erabiliko dute. Horrenbestez, 12:00etatik aurrera, jolasak eta tailerrak egongo dira Tellagorri plazan. 14:00etan, berriz, ekitaldia egingo dute Txiki-Otaegin. Eta 15:00etan bazkaria (3 euro) Abian kultur elkartean. 17:00etatik 19:00etara poteo musikatua izango da herrian zehar. Eta 19:00etan borroka martxa Getxoko Txorimalo gaztetxera. Bertan, Garrasika, Neallta Fola, Eztanda eta The Friday's Crew taldeek emango dute kontzertua. Sarrera 4 eurotan izango da. Hala ere, egun osorako txartela (bazkaria + kontzertua) erosteko aukera egongo da, 5 euroren truke. Argazkian, mila gazte ingururen aurrean ernaldu da Ernai joan den larunbatean / cc-by-nc Topatu.info.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun