Bestalde, martxoaren 25 eta 26an autodefentsa tailerra egingo dute Algortako Fadura kiroldegian, 17:00etatik 20:00etara. Ikastaroak 15 euro balio ditu eta hilaren 18a baino lehen izena eman beharko da. Horretarako: bfalgorta[abildua]gmail.com.
Martxoaren 8ko ekitaldien berri emateko, ondoko olerkia plazaratu du Algortako Bilgune Feministak:
Soka
Hari txiki bat bestearen atzetik eta elkarri loturiko jarrai bat da soka
Sokari heldu zioten, zenioten eta diogu.
Batzuk lehenago eta beste batzuk beranduago.
Aurretik heldutako emakume hoien sokari heldu.
Batzuetan tenteago eta beste batzuetan erlaxatuago egon den soka luzeari.
Momentu gogorretan tinko mantentzeko, tiratzeko haina indar bildu duen sokari.
Femismoari
Mundua ulertzeko moduaren helduleku eta nahi dugunera heltzeko akuilu.
Behin horri heldu eta bertan jarraitzen duzuelako
pixkanaka pixkanaka lotuta gaituzten kateak apurtuz goaz. Joan zineten.
askatzerik ez dagoelako. Sokaren parte bilakatzen zarelako.
Zuetaz ari gara, feministetaz.
Eskerrik asko, eta bada asko!
Horregatik garelako inkisizio, frankismo,... eta tradizionalismo gutxiago
Zuei esker garelako mari, borrokalari,... eta gu gehiago
FEMINISTON SOKARI EUTSI, SISTEMA ERAUTSI!
sokari gurekin tira, ez geratu begira!
Datorren Ostiralean 8etan Telletxen
"Ez geratu begira, gurekin sokatik tira!" lelopean, martxoaren 8ko Emakumeen Nazioarteko Egunerako manifestazioa deitu du Algortako Bilgune Feministak. Hitzordua 20:00etan jarri dute Telletxe plazatik abiatuta. Ondoren, ekitaldia egingo dute Txiki-Otaegi plazan; eta amaitzeko, dantza-pintxo-poteoa Algortan zehar. "Kaleak har ditzagun, espazioa okupa dezagun!", aldarrikatu dutenez. Bestalde, Algortako Bilgune Feministak gogoratu duenez, ostiralean bertan, Eusko Legebiltzarrean, Gasteizen, enpleguaren inguruko eztabaida monografikoa emango da eta, hori aprobetxatuta, mobilizazioa egingo du 12:30ean Euskal Herriko Emakumeen Mundu Martxaren plataformak. Autobusak ere aterako dira, nahi duten guztientzat. Bilbotik 11:00etan abiatuko da garraioa, San Nikolas elizatik. Argazkian, martxoaren 8ko manifestazio bat Algortan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun