"Kirolaria eta emakumea naiz" lelopean, martxoaren 8aren inguruan hainbat ekitaldi antolatu ditu Uribe Kostako Zerbitzu Mankomunitateak, igande honetarako, hilak 10. Horrenbestez, goizeko 9:30ean (izena emateko 09:00etan) abiatuko da Gorlizko plazatik mendi martxa. Berangoko Moreaga parketik, berriz, oinez zein bizikletaz abiatuko dira 10:30ean. Horiek guztiak 12:30ean Urdulizko Iparralde kiroldegira heltzea espero dute antolatzaileek. Izan ere, 13:00etan irakurriko dute bertan Mankomunitatearen martxoaren 8ko adierazpena. Aurretik luncha ere izango da, baita eskubaloi partidak ere. Batetik, 10:00etan, nesken senior mailako Euskadiko Txapelketa jokatuko dute Balonmano Urduliz eta BM Zuazo (Barakaldo) taldeek. Bestetik, 11:30ean, Urnietako taldearen kontra arituko dira etxekoak, nesken gazte mailako Euskadiko Txapelketan. Argazkian, 2008an egin zuten Uribe Kostako Emakumeen I. Kirol Anitzeko Lehiaketa, "Kirolaria naiz, baita emakumea ere" lelopean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun