Asteartean, martxoak 12, José Ignacio Wert Espainiako Hezkuntza ministroak "inposatu" nahi duen hezkuntza erreforma berriaren (LOMCE deitutakoa) edukiak azalduko dituzte Algortan, Sortzen Ikasbatuaz elkarteak antolatutako hitzaldian. Baita Hezkuntza Sistema propioaren inguruan berba egin ere. Hitzordua 19:00etan jarri dute Villamonteko kultur etxean, "Euskal Herriak bere hezkuntza eraiki" lelopean. Eli Zubiaga algortarra izango da hizlaria. Bitartean, Euskararen Gizarte Erakundeen Kontseilua (Euskal Herria), A Mesa pola Normalización Lingüística (Galizia) eta Ciemen-Enllaçats (Herrialde Katalanak) erakundeetako ordezkariek Espainiako Kongresuko talde parlamentarioei bilera irekirako deia luzatu diete astearterako. Hain zuzen ere, Werten "erasoa" eta Estatuaren jarrera salatzeko bat egin dute hiru eragileek. Argazkian, 2012ko abenduaren 13an, Kontseiluak agerraldia egin zuen Bilbon, Jose Ignacio Wert Espainiako Hezkuntza ministroak aurkeztutako lege proposamena salatu eta ikasle euskaldunak sortuko dituen hezkuntz sistema bakarra aldarrikatzeko / © Kontseilua.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun