"Obrek aurreko Osasun Sailak zehaztutako daten barruan jarraitzen duten arren", ez dute PSE-EEren menpe zegoen Eusko Jaurlaritzak esandako egunean inauguratuko Urdulizko Marusas auzoan eraikitzen ari diren Alfredo Espinosa ospitalea, SER irrati kateak zabaldu duenez. Radio Bilbaok kontsultatutako iturriak aipatuz, inaugurazioa urte bete ere atzeratu daitekeela zehaztu du hedabide espainolak. Hartara, aurtengo udaberrian zabaldu beharrean, 2014koan zabalduko lituzke ateak osasun zentro berriak. "Hala ere, baieztatu dutenez lanen erritmoaren arabera izango da hori", aipatu du SER irratiak. Egun, ospitalaren hiru solairutako egitura eginda dago jada. Barrualdea eta ekipamenduak osatzea falta da. Argazkian, Urdulizko ospitaleko lanetan Bizkaiko Eraikuntzako hitzarmena errespetatzea exijitu zuen azaroaren 15ean, Patxi Lopez Lehendakaria bertan zela, izena jartzen ari ziotela / cc-by Eskumaldeko ELA.