Unibertsitateko hainbat alorretako hamahiru langilek deklaratu dute gaur, Bilboko epaitegian, Jose Enrique Antolin Iria eta Xabier Aierdi Urraza EHUko irakasleen kontrako epaiketan. Berria.info agerkari digitalak zabaldu duenez, guztiek esan dute akusatuak ohiko prozedura erabilita aritu zirela Belen Gonzalez Peñalva eta Angel Maria Lete deportatu politikoak formatu eta aztertzeko garaian. Ziurtatu dute bi akusatuek bezala jokatuko luketela haien tutore izatea egokituko balitzaie. Lekuko gisa aritu direnen artean izan dira, besteak beste, Iñaki Goirizelaia errektorea, Pello Salaburu errektore ohia, Imanol Zubero, Jose Manuel Castels, Josu Txueka, Alfonso Unzeta eta Mikel Urkijo irakasleak, EHUko Idazkaritzako arduradunak eta zerbitzu juridikokoak. Bihar azalduko dituzte ondorioak alde guztiek, eta akusatuei azken hitzak esateko aukera eman ondoren bukatuko da epaiketa. Argazkian, besteak beste, Iñaki Goirizelaia EHUko errektoreak deklaratun du gaurko saioan.
1992/1993 eta 2001/2002 ikasturteetan, Dominikar Errepublikan zen Belen Gonzalez Peñalvari eta Cabo Verden zendutako Angel Lete Etxaniz deportatu politikoei unibertsitatean ikasten uzteagatik epaitzen ari dira Jose Enrique Antolin eta Xabier Aierdi EHUko irakasleak, prebarikazio delitua egotzita. Horrenbestez, irakasle bakoitzarentzat, lan-egiteko edo kargu publiko bat betetzeko 8 urteko inhabilitazioa eskaerari eutsi dio gaurko saioan fiskalak. AVT eta Voces Contra el Terrorismo elkarteek, zeinak akusazio partikular gisa ari diren, berriz, bederatzina urtekoa eskatzen dute. Bitartean, absoluzioa eskatu du defentsak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun