Udal proposamena da diru laguntza horiek aukeratutako herrialde txiro hauetako emakume eta gizonei on gehien egiten dioten proiektuetara bideratzea, adierazi dute tokiko iturriek. "Horregatik, diru laguntzak ematerakoan kalitate teknikoa, eta azken helburuarekin koherenteak diren proiektuak lehenetsi dira txirotasunaren kontra egiteko. Aukeratutako proiektuok genero berdintasuna bermatzen dute, parte-hartzea eta antolakuntza, errespetua eta giza eskubideen promozioa zein ingurumen jasangarritasuna", azaldu dutenez. Emakumeen jabekuntza bermatzen dituzten proiektuak baloratu dira batez ere.
Honako hauen daude diru-laguntza jasoko dutenen artean:
- Zabalketa (Peru): 15.000,00 euro.
Amuarrainen elaborazioan prestatzea bertako gazteak.
- Fundación Vicente Ferrer (India): 15.000,00 euro.
Anantapurreko 39 nekazari familien egoera sozioekonomikoa hobetzeko.
- Itaka (India): 15.000,00 euro.
Kamda-ko “Calasanz Asharm” eskola eta lehen hezkuntzako barnetegian ura eta saneamendua bermatzeko.
- Circulo Solidario Euskadi (Peru): 14.998,66 euro.
Huanchaco barrutiaren II Fasea. Victor Raul Haya de la Torre ikastetxearen garapena sustatzea.
- Asociación Manos de Acción Solidaria (Ekuatore Ginea): 15.000,00 euro.
Ekuatore Ginean osasuna eta hezkuntza bermatzeko .
Leioako Udalak 100.000 euro baino gehiago banatu ditu garapenerako lankidetza proiektuetan
Leioako Udalak banatu ditu jada garapenerako lankidetza proiektuetarako diru laguntzak. Guztira, 100.998 euro dira sei elkarte desberdinetan banatuko direnak, munduko hainbat herrialde desberdinetako bizilagunei laguntzeko. Diru kopuru honetatik 26.000 euro saharar herrira bideratuta egongo dira. Zehazki, partida hori Fath elkarteak kudeatuko du. Bi ekintza desbedinetarako izango da laguntza: batetik, saharar umeak gure artean hartzeko “Oporrak bakean” izeneko egitasmoarentzat; eta bestetik basamortuko errefuxiatu-guneetan, laguntza humanitarioko hainbat proiektu garatu ahal izateko. Argazkian, ume saharar bat surfean gurean / © Leioako Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun