Erronka berri honi denon artean, taldean, egin behar diogu aurre, nahiz eta ni denon buruan egon, Udalbatzako partaide guztiek zeresana dutela argi daukat, Gobernu Taldekoak izan ala ez, Leioa eta leioaztarren aldeko erabakietan denon iritzia garrantzizkoa dela uste dut. Horregatik, guztion partaidetza izango dudalakoan, hemen nauzue.
Mari Carmen Urbieta alkate berriak Leioa.net webgunean idatzitako editoriala.
Nire lehen editorial honekin leioaztar guztiak agurtu nahi ditut. Gure azken alkatea, Eneko Arruebarrena, Metro Bilbaoko zuzendaria izatera pasa izan da, eta bere ordez, hemendik aurrera ni izango nauzue zuon alkatea. Leioako alkatea izateak modu bikoitzean harrotzen nau; alde batetik, leioaztar moduan, nahiz eta adopziozkoa izan, eta bestetik, emakume modura, lehen emakumea naizelako herri honen Alkate izatera heldu dena. Aurretik dagoen etapa berri honetan, zinegotzi eta alkateorde modura egindako sei urte eta gero, leioaztar guztien alde lan egingo dut, bai oposizioko taldeekin zein gainontzeko herritarrekin berba egiteko prest egongo naiz betiere, guztion artean Leioan dugun ongizatea mantendu behar dugulako, eta ahal izanez gero, hobetu. Argazkian, Mari Carmen Urbieta Leioako alkate berria / © Leioako Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun