Sakabanaketaren krudelkeriak ere gogor astindu zuen Anjel eta bere familia. Bere amama, Antonia Hernandez Rodriguez, 1997ko martxoaren 14an hil zen auto istripu batean Alcala-Meco espetxera bidean, bere biloba bisitatzera zihoanean.
Herrira.org: Etxean preso zegoen Angel Figueroa hil da
Sortu.net: Angel Figueroa, espetxe politikak hila
Anjel Figueroaren heriotza salatzeko kontzentrazio isila izango da gaur Algortan
Ostegun honetan, 14:30 aldera hilik aurkitu dute Anjel Figueroa Fernandez euskal preso politikoa bere etxean, Algortako Herrira bilguneak zehaztu duenez. Algortarra espetxeratze arinduan zuten preso, epilepsia bezalako gaixotasun larria pairatzen baitzuen. 41 urte zituen soilik eta preso eman du ia bizi erdia, 1994an atxilotu zutenetik. Mina eta haserrea eragin du Figueroaren heriotzak. Etxerat presoen senideen elkarteak, Herrira mugimenduak eta Sortu alderdiak doluminak adierazi dizkiete presoaren senideei. "Euskal preso politikoen aurka erabiltzen den espetxe politika krudelak hil egiten duela" ohartarazi dute Herrirak eta Sortuk; algortarra dela horren azken froga. Hortaz, "giza eskubideak oinarri izango dituen bidea abiatu" dadila aldarrikatu dute. Espetxe politika zein Figueroaren heriotza salatzeko datozen egunetan egingo diren mobilizazioetan parte hartzeko deia egin du Sortuk. Besteak beste, gaur ostirala, kontzentrazio isila izango da, 20:00etan, Telletxe plazan, Algortako herriak deitua. Argazkian, Figueroa aska zezaten ekimen ugari egin zituen Anjel kalera! herri ekimena, presoa etxera ekarri aurretik.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun