Sopelan, Asu eta Bareñoko sektoreetan kooperatiba erregimenpean egingo diren babes ofizialeko 90 etxebizitzetarako izena eman dutenen zerrendak jendaurrean izango dira gaurtik martxoaren 26ra arte, udaletxeko atarian eskatzailearen DNI zenbakia eta hurrenkera zenbakia agertuko delarik, udal iturriek jakinarazi dutenez. Horrez gain, bakoitzak bere datu pertsonalak ere egiaztatu ahal izango ditu aipatu egunotan, 17:30etik 19:30era, Kurtzio Kultur Etxean, etxebizitzen sustapenaren esleipena jaso duen Ganekogorta kooperatibak zerrendak kontsultatzeko jarriko duen pertsona baten laguntzarekin. Behin betiko zerrendetako hurrenkera zenbakia izango da kontuan izango dena ia-ia ziur apirilean egingo den zozketarako. Zozketaren eguna, tokia eta ordua, aurrerapen nahikorekin iragarriko da, udal arduradunek aipatu dutenez. Argazkian, Sopelako Udalak urbanizazio lanak abiatu zituen, 2008ko azaroan, Bareño eta Asu esparruetan / © Sopelako Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun