Hainbat ikastegitan Espainiako bandera jartzeko agindu dio Carlos Urquijo Madrilgo gobernuaren delegatuak Euskal Herriko Unibertsitateari (EHU): hurrenez hurren, Bilboko Ingeniaritza Goi Eskola Teknikoan, Bilboko Industria Ingeniaritza Teknikoko Unibertsitate Eskolan eta Meatzeen eta Herri Lanen Ingeniaritza Teknikoko Unibertsitate Eskolan. Ikusita ordezkariak plazaratu egin duela errekerimendu hori, erakunde akademikoak ezagutzera eman zuen atzo bere erantzuna: "Unibertsitateko idazkari nagusiak gutun bat bidali dio errekerimendua jarri duenari, esanez aipatutako arloa arautzen duen 39/1981 Legeak xedatzen duela noiz jarri behar den haizetara Espainiako bandera administrazioaren eraikinetan. Unibertsitateak, bada, jakinarazi dio Estatuko Gobernuaren ordezkariari erakunde akademiko honi ezin zaiola aplikatu legea, unibertsitatearen izaera juridikoa ez baita aipatutako legean adierazitako administrazioena". Argazkian, Iñaki Goirizelaia EHUko errektorea, artxiboko irudian.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun