Antón de Madariaga Zobaran martxoaren 28an hil zen Plentzian, 92 urte zituela. Hain zuzen ere, joan den asteartean eman zioten azken agurra Maria Magdalena Donearen elizan, besteak beste, Josu Jon Imaz San Miguel EAJren presidente ohia eta 2008ko uztailetik Petronor enpresaren burua bertan zela. Gorlizen jaioa, euskaldun zaharra, Ekonomiaz Deustun eta Zuzenbideaz Valladoliden ikasia zen Madariaga. Bilboko Banketxean, Iberdueron eta Bizkaiko Labe Garaietan lan egin ostean, Petronorren bultzagilea izan zen eta bertako zuzendari nagusi lehenik, kontseilari gero eta lehendakariorde, azkenik. Bilboko Merkataritza Ganberaren lehendakari izatera ere heldu zen. Horretaz gain, lau urtez Plentziako alkate (EAJ) izan zen 90eko hamarkadaren bukaeran. Argazkian, ezkerretik eskuinera, Anton de Madariaga, Rafael Ossa-Echaburu, Henrike Knörr eta Leizaola "lehendakari zaharra", Muñatonesen (1983) / © Petronor.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun