Egunean zehar, umeentzako puzgarriak, tailerrak, arko jaurtiketa... izango dira. Aurten, gainera, "Argazki-Call" jarriko dute Berbotsuren ondoan, koadrilarekin jarri argazkia ateratzeko. Bertan, momentuan oroigarri eroango dute, Radio Club Takolos elkarteari esker. Erandioko auzo ezberdinetako gazteen arteko olinpiadak ere egongo dira, Erandioko Gazte Asanbladak antolatua. Azkenik, doako autobusa egun osoan ibiliko da. "Arriaga auzo txikia denez, aurten elkar estutu beharko, baina ederto pasatuko dugu kanpomartxo honetan ere", adierazi dute Berbotsekoek. Besteak beste, Trabudu, Goi Alde eta Uztargi dantza taldeak; Algortako Bertsolari Eskola (ALBE); Mendibaiarte abesbatza; Arriagako Jai Batzordea; Radio Club Takolos; eta Erandioko Gazte Asanblada dituzte laguntzaile Berbotsekoek.
Egitaraua:
12:00etan, dantzak: Goi-Alde, Trabudu. Uztargi.
13:00etan, Mendibaiarte abesbatza.
13:15ean, bertsolariak: Iratxe Ibarra eta Gorka Ostolaza Potxis.
14:30ean, bazkaria (nork berea eginda).
17:00etan, umeentzako dantzaldia: "Gaur Jaia" Xilipurdi taldea.
17:00etan, betiko kantuak Roberto Etxebarriaren eskutik.
18:00etan, dantzaldia: Garilak 26.
Igande honetan, hilaren 14an, Arriaga auzoan ospatuko dute aurtengo Kanpomartxo. Izan ere, antzina, Erandioko auzo ezberdinetako baserritarrak apirilaren hasieran aukeratutako egun eta toki batean batzen ziren Kanpomartxo izeneko festa egiteko. Egun horretan, musika doinuz eta dantzaz beteriko jai egunaz gozatzen zuten. Finean, erandioztar guztien arteko harremanak sendotzeko balio zuen ospakizunak. Bada, hainbat hamarkadatan galduta egon ostean, orain dela 23 urte berreskuratu zuen baserri giroko euskal jaia Berbots Erandion Euskaraz elkarteak. Ordutik hona, udalerriko txoko ezberdinak txandakatuz egin dute urtetik urtera. Gauzak horrela, Eguerditik aurrera, dantzak, jolasak, bertsolariak, musika... edukiko dituzte, egunean zehar, bertan batzen direnek. Gainera, Kanpomartxora joateko, doako autobusak egongo direla jakinarazi du Berbotsek. Gauzak horrela, 11:00etan hasita, Altzagako Legazpi kaletik abiatuko da garraioa, 15-20 minutuan behin, orduen arabera. Autobus horrek Astrabuduako Iturribengoa kalean eta Erandio Landako elizan ere hartuko ditu Arriagarako bidaiariak. Bueltako bidaia, berriz, 16:30etik 21:00etara egiteko aukera egongo da. Argazkian, orain hiru urte Lutxanan ospatu zuten Kanpomartxo.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun