Sortu: "Rodrigoren berehalako eta baldintzarik gabeko askatasuna exijitzen dugu"

Iker Rodrigo Sortuko kidearen atxiloketaren inguruan, honakoa adierazi nahi du Sortuk: Lehenik eta behin, Iker Rodrigoren berehalako eta baldintzarik gabeko askatasuna exijitzen du Sortuk. Sortuk argitu nahi du ez duela inolako parte-hartzerik izan Xabier Lopez Peña euskal preso politikoaren gorpuzkinari buruturiko harreraren antolakuntzan. Alderdi Popularrak bultzaturiko legez-kanporatze mehatxu dinamikaren baitan kokatzen da atxiloketa hau. Errepresio polizial eta judizialaren bidez konponbide prozesua baldintzatu nahi du bakearen etsaia den Alderdi Popularrak, Euskal Herrian erabat minoritarioa den bere posizio politikoa estatu aparatuen erabilpenaren bidez estaltzen saiatzen den bitartean. Argazkian, Guardia Zibilak Rodrigo atxilotu zueneko irudia.