Koldo Iturbe Getxoko Euskara zinegotziak gogora ekarri zuen urte asko daramatzetala aipatutako erakundeak lanean bertoko hizkuntza-ondarea jasotzen eta orain bertsolaritzari buruzko liburua horren barruan kokatzen dela. Liburuan parte hartu dutenei eskerrak eman ondoren, gehitu zuen “Uribe Kostan bertsolaritza aspaldiko kontua" dela. "Ez da gauza berria. Ez dugu liburuarekin asmatu eta ez da horrekin amaitzen. Kultur adierazpen hau oso bizirik egon da eta dago Uribe Kostan. Liburuak bertsolari zaharrak ezagun egiten ditu eta eskerrak eman behar dizkiegu euskara eta euskal kultura une zailetan zaindu eta mantendu zutelako. Aurrerantzean ere euskarazko kultur ondare jasotzen eta zaintzen segitu nahi dugu, bakoitzaren Euskara Planetan horrela jasotzen delako”, azaldu zuen Iturbek.
Bestalde, Miren Dobaran Bizkaiko Foru Aldundiko Euskara zuzendariak proiektuan parte hartu dutenei eskerrak eman zizkien, garai zailetan ere horrelakoak aurrera eramateagatik eta gehitu zuen liburuan agertzen diren bertsolariak harro sentituko liratekeela beren zeregina horrela ikustean. “Lan horiek egitea oso beharrezkoak dira Foru Aldundiarentzat, lehenengo bertsolarien giroan sartzeko aukera ematen digutelako eta arlo soziolingüistikotik ere interes handikoak dira, orduko gizartea zelakoa zen jakiten laguntzen digutelako, gero gaur egungo gazteei transmititzeko”, amaitu zuen Euskara zuzendariak.
Jende askoren fruitua
Fredi Paya liburuaren egilea (Labayru Ikastegiarekin batera), pozik zegoen, aspaldiko ametsa eta urte batzuetako lana kalean ikustegatik. Jende askoren fruitua dela nabarmendu zuen eta eskerrak eman zizkien berari informazioa eman dioten guztiei, bai senideei, bertsolariei eta udalerriko laguni. Hainbat asmoen artean, azpimarratu zuenez, “gure helburua balioan jartzea izan da, erakustea eskualdean nahiz eta euskarak atzerakada handia eduki (gauza batzuk gertatu ziren, bertsolari batzuk erderaz edo elebidunez abesten zuten..), baina demostratu nahi izan dugu, edo behintzat batu, duela 15 urte Unai Elorriaga eta biok ez ginela basamortuko loreak (elkarrizketa titular batean agertu bezala), lur emankor batean jaiotakoak ginela. Hemen bertsolariak egon direla eta bertsolari horiek garrantzi handia eduki dutela, guretzako behintzat”.
Uribe Kostan bertsolaritza aspaldiko kontua dela erakusten du Fredi Payak osatutako liburuak
“Uribe Kostan bertsolaritza aspaldiko kontua dela” esaterakoan ados egon ziren atzo “Uribe Kostako bertsolaritza (1900-19809)” liburuaren aurkezpenean parte hartu zuten proiektuaren sustatzaileek eta egileak, hau da, Koldo Iturbe Getxoko Udaleko Euskara zinegotziak, Joseba Goikouria Erandioko alkateak, Miren Dobaran Bizkaiko Foru Aldundiko Euskara zuzendariak, Anabel Landa Uribe Kostako Mankomunitateko lehendakariak zein Berangoko alkateak eta Fredi Paya bertsolari algortarrak. 60 bat lagunen aurrean, batzuk bertsolariak eta beste batzuk liburuaren protagonisten senideak, aurkeztu zuten liburua atzo arratsaldean Areetan kokatuta dagoen Getxo Elkartegian. Ekitaldian eskualdean izan den tradizioa erkutsi nahiean, Josu Landeta eta Joseba Santxo getxoztarrek kopla batzuk kantatu zituzten, Santxok bertso batekin eskertu zuen liburua kalean egotea eta Algortako Bertsori Eskolako (ALBE) bi neska gaztek belaunaldi gazteen lana erakutsi zuten. Ekitaldiaren amaieran, proiektuan lagundu duten senideei eta informazio-emaileei irudi bana opatu zieten. Argazkian, liburuaren egilea eta sustatzaileak, bertsolari eta liburuaren protagonisten senideekin batera / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun