Herritarrak badu informatua izateko eskubidea, eta ez bakarrik Siriako Alepoko irudiekin, Tunisiakoekin edo Tahrir-eko plazakoekin. Legeak babestu egiten du eskubide hori eta ez du ez hanka ez buru lege hori zaindu behar lukeen Ertzaintzak Arbelaitz eta beste kazetariak kioskora eramatea, beren lana mugatuz. Are logika gutxiago du eta erabat salagarria da Arbelaitzek jasandako tratu txarra.
Xabier Letona "Argia"-ko zuzendariak atzo Argia.com-en argitaratutako artikulua
Ertzaintzak eraso egiten zion bitartean Lander Arbelaitzek grabaturiko bideoa (cc-by-sa Lander Arbelaitz - Argia.com)
Aske Guneak Lander Arbelaitzekiko Ertzaintzaren jarrera ekoiztutako bideoa (© Aske Gunea)
Xabier Letona: "Ertzaintzak 'Argia'-ko kazetari Lander Arbelaitzekin izandako jokaeraz"
[cc-by-sa Xabier Letona - Argia.com] Gaur [atzo] goizaldean Ertzaintzak Lander Arbelaitz kazetariarekin izandako jarrera bortitza salatu nahi du "Argia"k. Goizaldean Ertzaintza Boulevardera iristean eta Arbelaitz lanean ari zela, ertzain batek eskukada batez smartphonea bota dio lurrera eta bera ere gogor astindu du, nahiz eta bere kazetari akreditazioa oso agerian zuen: Argiako akreditazioa zeukan esku batean eta bestean telefonoa. Bere bideo grabaketan ongi entzuten den gisan, ertzainei etengabe jakinarazi die kazetaria zela eta uzteko bere lana egiten. Bere blogean ere argi kontatzen ditu izandako arazoak. Hala ere, beste kazetari talde batekin, Arbelaitz Boulevardeko kioskora eraman dute, beren lana libreki egitea eragotziz. Argazkian, Ertzaintza Aske Gunea setiatzen / cc-by-nc-sa Gari Garaialde - Bostok Photo.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun