2012ko udaberrian, Espainiako Ingurumen Ministerioak sakontasun handiagoko laginak hartzea eskatu zuen, dragatze egitasmo hori behar bezala ebaluatu ahal izateko. Ordutik, eginiko lagin biltze berri horri buruz zein geure itsasoa harrobi bihurtzeko proiektu horren egoera administratiboari buruz ez dugu inolako informaziorik jaso Bilboko Portu Agintaritzatik; ezta Getxoko Udaletik ere. Madrilgo Ingurumen Ministeriotik oraindik ez dute argitaratu ingurumenaren gaineko eragin azterlana.
Hori dela eta, Abra Bizirik Plataformak mozioa aurkeztuko die Getxoko Udalean ordezkaritza duten alderdi politikoei, eztabaidatua izan dadin apirileko Osoko Bilkuran, udal horrek Bilboko Portu Agintaritzari kata horien inguruan informazioa eta gure Itxaso eta kostaldearen egoera kaltetu dezakeen egitasmo horretaz gardentasun informatiboa eska diezaion.
Abra Bizirik Getxoko plataformaren izenean, Gabriel León Caballero, Dámaso Lazkano Lazkano, Iñigo Elortegi Suárez, Christian Reinicke Urrutikoetxea, Kike Prada Olleta eta Gabi Basañez Ruiz
Abra Bizirik Getxoko plataformatik Abrako Punta Luzueron inguruetan egin beharreko dragatze egitasmoa dela medio informazioa exijitzen dugu. Bilboko Portu Agintaritzak Punta Luzuerotik gertuko kanpo itsasoan hondar eta itsas-hondoko materialen 50 milioi metro kubikoren erauzketa egiteko proiektuak, "geldialdi teknikoan" daramatza hilabete batzuk, Uribe kosta eta Ezkerraldeko hainbat elkartek ingurumenaren gaineko eragin azterlanari jarritako alegazioak direla medio. Batez ere, kontuan hartu ziren Alejandro Ciarreta jaunak eta EHUko Harea itsasertzeko geologiarako ikerketa taldeak eginiko txostenean oinarrituriko Muskizko Udalak tartekatutako alegazioak. Delako txosten horretan, eginiko laginak urriak eta azalezkoak zirela ondorioztatzen zen. Argazkian, Abrako hondar erauzketa bertan behera uztea eskatu zuten Arriluzen maiatzaren 13an.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun