Topaketa antolatzeko, beste askotan bezala, Leioak EHUko Irakasleen Unibertsitate Eskolako laguntza izan du. Ekintza ugari antolatzeaz gain, hitzaldi garrantzitsu bat izateko aukera eman du elkarlan horrek, Framcesco Tonucci psikopedagogo ospetsua Leioan izatea. Tonucci “Umeen hiria” izeneko liburuaren egilea da eta Hezkuntza Komunitatearen filosofiaren sortzaile nagusia.
Deialdi berezia
Topaketak aste osoko egitarau zabala izango badu ere, antolatzaileek nabarmendu nahi izan dute maiatzaren 4an, larunbata, sortuko duten Leioaztarren Ezagutzen Sarea (LES) deritzotenaren aurkezpena. Ezagupen banku horretan bi urtez lan egiten jardun du Herrigunek eta, ezagupen zehatzak eskuratu nahi dituzten pertsonak eta gabezi horiek estaltzeko ezagupenak dituztenak batzean datza, batez ere sare arautuez kanpo.
Maiatzaren 4an, arratsaldeko 4etan, banku hori jendaurrean zabalduko dute, “Una Herramienta para la riqueza colectiva y Personal” hitzaldiaren bidez. Horretaz gain, herrikideak gonbidatu dituzte haien ekarpenak egitera, norberak bere ezagutza Leioako komunitatearekin partekatzera, LES+ ekimenarekin bat eginez. Horretarako, izena eman behar da Topaketa.org webgunean.
Topaketari buruzko "Leioa" udal aldizkari monografikoa
Herrigune proiektuaren hamabigarren urteurrena aitzakiatzat hartuta, datorren astean Leioak jendaurrean aurkeztuko du bere Hezkuntza Komunitatea. Horretarako, udalerriak hainbat ekintza hartuko ditu bere kaleetan. Topaketa izeneko ospakizun hori bihar zortzi abiatuko da, maiatzaren 2a, eta hilaren 8ra arte luzatuko da, egunero leioaztar guztiei zuzendutako hainbat jarduera ezberdin izango direla, tartean hitzaldiak, tailerrak eta kontzertuak. Herrigunek dozena bat urte daramatza Leioan lan egiten Hezkuntza Komunitatea sortzeko. Bide luze horretan egindako lanari zein oraindik egiteko dagoenari estima handia agertu die Leioako Udalak eta herritarrei "Leioa" aldizkariko monografiko berezia bidali die etxera. Horretan hurrengo egunetan izango ditugun ekintzen berri ere ematen da. Argazkian, dozena urte honetan Herrigunek makina bat tailer, foro, hitzaldi, ikastaro, aurkezpen, azoka eta ekimen burutu du, tartean 2010ean Leioako Aste Berdea zela eta antolatutako kanpaldia / cc-by-sa Herrigune Leioa.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun