Superabitetik datorren diru horrek, Aralarren ustez, ekonomikoki zein sozialki askoz errentagarritasun handiagoa duten erabilerak ditu, batez ere gauden krisi egoeran egonda: barne kontsumoan eragin zuzena duten funtzionarioei ezarri zaizkien soldata murrizketak geratzea; herrialdeko ehun ekonomikoa mantentzea, horrek eragina duelako geroko diru bilketan; edo bazterketa egoeran dauden edo baztertuak izateko bidean dauden herritarren erreskatea.
Tratu ezberdintasun nabarmena egin ari da foru gobernua, jada Ogasuna ez garelako herritar guztiok eta, gainera, gizarteari ematen zaion mezua da kirol kudeaketa txarra saritu egiten dela... horretarako interesa dagoenean, jakina, azpimarratu du Aralarrek.
Bizkaiko Aralar
Aralar: "EAJk kirol kudeaketa txarrak saritzeko 'eskuzabaltasuna' txarretsiz"
Uxue Bilbao Basket saskibaloi talde profesionalari Bizkaiko Ogasunarekin daukan 3,7 milioi euroko zorra barkatzeko Jose Luis Bilbaok eta EAJren bere foru Gobernuak hartu duen erabakiak probokazio sozialaren marra guztiak gainditzen dituela uste du Bizkaiko Aralarrek. Are gehiago kontuan hartzen badugu Bizkaiko herritarrek gizartearekin daukaten erantzukizunaren ondorioz PFEZ zergarekiko kontuan egin behar dutela berehala. Hori gutxi ez, eta diputatu nagusiak 1,5 milioi euroko opari txekea eman dio saskibaloi taldeari "eskuzabaltasun" osoz. Gainera, herritarrak lasaitzeko asmoarekin-edo, esaten du dirutza horrek ez duela eraginik izango aurtengo kontabilitatean, iazko superabiteko dirua delako. Argazkian, Bilboko saskibaloi taldeko egoitza den Miribillako zelaia / cc-by-nc-nd Gonzalo Iza.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun