Ellis Marsalisekin eginiko saio bikain baten ondoren debuteko diskoa kaleratu zuen 1992. urtean eta kritikoen begirada erakarri zuen. Horiek Sarah Vaughanen eragina ikusi zuten Freeloren lanean.
Bere ibilaldian zehar Freelon maila handiko artistekin jardun da: Kenny Barron, Herbie Hancock, Joe Beck, Christian McBride, Kirk Whalum, Ray Charles, Ellis Marsalis, Al Jarreau eta George Benson. Horiez gain, Julie Andrews ospetsuarekin aritu da zenbait ekitaldi eta kontzertutan.
Etzi, larunbatarekin, Getxoko Jazzaldiak Pio Lindegaardi urtero egiten dion omenaldia burutuko du. Era horretan esker ona agertuko dio berriz ere Algortak hartzen duen musika jaialdiaren laguntzaile nagusienetariko bat izan zenari. Gauzak horrela, larunbatean Nnenna Freelon abeslari estatubatuarra arituko da Areetako Andres Isasi musika eskolan, 20:00etan. Kontzerturako sarrerak salgai daude dagoeneko 12 eurotan. Freelon jazzaren ahots zoragarrienetako bat bilakatu da; hiru aldiz izendatu dute Grammy sarietarako eta haren errepertorioan pop eta folk musikaren eragina ere nabari da, sintesi oso pertsonal batean uztartuz. Bere askotariko erregistroek hurbileko giro intimo batetik umorea nagusi den giroetara jauzi egiten uzten diote, baladen tonu sentsual eta limurtzailea alde batera utzi gabe. Argazkian, Nnenna Freelon / © Getxoko Kultur Etxea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun