Euskalmet Meteorologiaren Euskal Agentziak jakinarazi du trumoi-ekaitza eta txingorra botatzeko aukera handia dagoela, batez ere Kantauri isurialdean. Era berean, elur-kota 800-1.000 metrora kokatuko da etzi, larunbata. Euskalmeten iragarpenaren arabera, bihar, ostiralean, goizean han-hemenka prezipitazio txikia egingo du, eta egunaren bigarren zatian prezipitazio txikia izango da lurralde osoan, gauean noizbehinka ertaina izanik. Elur-kota 1.100-1.200 metrora jaitsiko da. Larunbatean, berriz, zaparrada txikiak izango dira, eta zenbait tokitan ertainak, aukera handiagoz egunaren lehen partean. Elur-kota are gehiago jaitsi eta 800-1.000 metrora kokatuko da. Trumoi-ekaitza eta txingorra botatzeko aukera handia izango da, batez ere Kantauri isurialdean. Azkenik, igandean, egunaren lehen partean, zaparrada txikiak botatzeko aukera txikia izango da, baina arratsalde eta gauean prezipitazio txiki-ertaina egingo du. Elur-kota 700-800 metrora kokatuko da goizaldean eta 1.000-1.200 metrora igoko da arratsalde eta gauean. Argibide gehiagorako, kontsultatu UKBERRI.NETeko eguraldi zerbitzua. Argazkian, hainbat neska aterki azpian, artxiboko irudian.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun