Horregatik, Donostian bezala, bizikletak 24 orduz eskuratu ahal izatea eskatu dute. Udal Gobernuarentzat hori bideragarria izango ez balitz, egungo ordutegia gauerdira arte luzatzea ere onartuko lukete. Era berean, orain bizikleta erabiltzeko dagoen ordu bateko muga zabaltzea nahi dute.
Egun, GetxoBizi Leioako bizikleta mailegu zerbitzuarekin konektatuta dago. Bilduk Uribe Kostako beste herriekin ere lotzeko beharrezkoak diren harremanak eta tramiteak egitea eskatu dio Udal Gobernuari.
Azkenik, bizikleta "uneoro egoera onean egoteko neurriak" hartzea ere eskatu dute. Izan ere, "zenbait erabiltzailek jakinarazi digutenez, bizikleta batzuen egoera kaskarrak, horien erabilera zailtzen du distantzia luzeak egiteko", baieztatu du Maitane Nerekan Umaran Bilduren eledunak. Gabezia hori konpontzeko, GetxoBizi zerbitzua eskaintzen duen Emaus jendarte enpresarekin eta beharrezkoak diren eragileekin elkarlanean aritzea eskatu diote Udalari.
Bilduk "trafikoari eta kutsadurari aurre egingo dion garraio sistema posible" dela uste du eta horren alde lanean jarraitzeko prest agertu da.
Bilduk aurkeztutako mozioa
Getxoko Bilduren Udal taldeak GetxoBizi bizikleten mailegu zerbitzua hobetzeko hainbat proposamen aurkeztuko du hurrengo asteartean, Getxoko Udalbatzan. Ezkerreko koalizio independentistak onartu duenez, azken urteotan Getxoko Udalak zenbait neurri hartu ditu bizikleta "getxoztarren garraiobide izan dadin eta ez soilik aisialdirako tresna". Gauzak horrela, GetxoBizi, "gehiengoaren esku dagoen" zerbitzua denez, "positiboki" baloratzen dute. Halere, Bilduren ustez, zerbitzu horrek erabiltzeko oztopo batzuk baditu oraindik ere: ordutegia, inguruko beste herri batzuekin konektatzeko ezintasuna eta bizikleten egoera. Arazo horiei "aurre egiteko eta bizikleta garraio bide alternatiba erreala" izan dadin mozioa aurkeztu dute. Ordutegiari dagokionez, goizeko 6:45etik iluntzeko 9etara badago bizikleta eskuratzea, eguneko 14:15 orduz. Bilduk azaldu duenez, "asko dira ordu hauetatik kanpo lanetik ateratzen diren emakume-gizonak edo herri barruan etxera bueltatzeko mugitzen diren gazteak". Argazkia: © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun