Ekimeneko kartela
Euskal Herriko Unibertsitateko (EHU) Bizkaiko campusaren Errektoreordetzak antolatzen duen "Tipi-Tapa osasunez" martxaren hamargarren edizioa izango da igande honetan, apirilaren 28an, goizeko 9:30etik aurrera. Martxak lehen aldiz lotuko ditu Bilboko San Mamesko eraikin berria Leioa eta Erandioko campusarekin. Izan ere, irteera EHUko Bilboko Meatzeen eta Herri Lanen Ingeniaritza Teknikoko Unibertsitate Eskolan jarri dute eta helmuga, berriz, Leioa eta Erandioko campuseko kiroldegian. Tipi-Tapa Osasunez ekimenak honako helburuak ditu: unibertsitatea gizartera hurbiltzea, herritar guztiak kirolaren bidez osasuna zaintzera animatzea, EHUko ikastegiak lotzea eta ingurunea ezagutaraztea. Izan ere, hamargarren edizioan, irteera San Mameseko eraikin berritik izango da, non Meatzeen eta Herri Lanen Ingeniaritza Teknikoko U.E eta Bilboko Industria Ingeniaritza Teknikoko Unibertsitate Eskola kokatuta dauden. Argazkian, txikienek ere egin dezakete ibilbidea / cc-by-nc-sa Josi Sierra.
Aurten, 13 kilometroko ibilaldia goizeko 9:30ean hasiko da Meatzeen eta Herri Lanen Ingeniaritza Teknikoko U.E.an eta arratsaldeko 13:45etan bukatuko da Leioa eta Erandioko campuseko Unibertsitateko Kiroldegiaren ondoan. Gainera, autobusak jarriko dira Leioa eta Erandioko Campusetik Astrabuduako metro geltokiraino iritsi ahal izateko.
Ekimeneko kartela
Ekimeneko kartela
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun