Erandioko Kalezulo gaztetxeak, afari akustikoa izango du gaur iluntzean. Hilero legez, Herrirak deitutako Azken Ostiralaren ostean izango da hori, 21:00ak aldera. Hilabete honetako saioan, musika indie, rock eta soul egiten duen Tou taldeak eskainiko du emanaldia. Jone Ibarretxe itzubaltzetarrak eta Antton Goikoetxeak iaz abiatutako proiektua Arte Ederretako fakultatea utzi ondoren gauzatu zen. Momentuz, Areeta, Neguri, Itzubaltzeta / Romo eta, Algortan jo dute, areto txikietan. Afarirako sarrerak bost eurotan eskura daitezke, menua pasta pistoduna, arrautza egosiak tomatearekin eta ezusteko azkenburukoa izango da. Besteak beste, Mikel Etxaburu poeta, Peru eta Inazio Vidal bertsolariak, eta El Trio Calavera taldea zein Hesianen Zuriñe eta Fran musikariak izan dira orain arte Erandioko afari akustikoetan. Argazkian, Jone Ibarretxe eta Antton Goikoetxea, Tou / © Samuel Goirigolzarri.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun