Zerbitzuan eta kalitatean sinetsi dugu urte hauetan guztietan eta hori erakusten saiatu gara. Hori horrela izanda, eta euskarazko zerbitzuak beste leku batzuetan ere aurkitu ditzakegula, gure bidean aurrera ez jarraitzea erabaki dugu.
Ondorioz, datorren maiatzaren 2an, zerbitzua bertan behera geratuko da.
Mila esker urte guzti hauetan gure bidelagun izan zareten guztioi.
Zure kontuan dituzun e-posta eta helbideak gorde nahi badituzu irakurri hau.
Euskalerria.org lantaldea
Idatzi honen bidez, 12 urteko ibilbidea eta gero, www.euskalerria.org posta zerbitzua eta ataria desagertzera doazela adierazi nahi dizuegu. Bide luzea eta ederra izan da elkarrekin egin duguna. Euskalerria.org sortu zenean, helburu garbi batzuekin sortu zen, baina bat nabarmenduko genuke, sarean euskarazko eta doako zerbitzuak erabili ahal izatea, kasu honetan posta zerbitzua hain zuzen. Urteak pasa dira, eta euskalerria.org-ek hainbat berrikuntza izan ditu. Zerbitzu ezberdinak eskaini dira bertatik, guztiak gure erabiltzaileari euskarazko zerbitzu berri eta kalitatezkoak eskaini asmoz. Egun, Euskalerria.org-ek ezin du berak bezalako zerbitzuak eskaintzen dituzten posta zerbitzuekin lehiatu, ez zerbitzuan eta ez gaitasunean, eta gero eta zailtasun gehiago ditugu berau modu duin batean mantentzeko. Argazkian, 2003ko otsailaren 20a izan zen Euskalerria.org posta zerbitzuak bizi zuen egunik beltzena. Guardia Zibilak "Euskaldunon Egunkaria" itxi bitartean, Egunkaria.com saretik kentzeko Euskalerria.org zeraman Plazagunea enpresaren atea txikitu eta lanerako ezinbestekoak ziren makinak eraman egin zituzten, inolako epaile agindurik gabe / © Egunkariaren Alde elkartea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun