Larunbat honetan, maiatzak 4, euskal preso eta iheslari politikoen aldeko elkartasun eguna izango da Algortan eta Getxon, Algortako Herrira bilguneak iragarri duenez. Horrenbestez, 14:30ean egingo dute herri bazkaria Abian kultur elkartean. Txartelak 5 euroren truke daude salgai, ohiko lekuetan. Bazkaldu ostean, berriz, musika doinuekin nahastuko dira errepresaliatuen aldeko aldarrikapenak. Izan ere, elkarren jarraian, hiru kokaleku ezberdinetan egongo dira kontzertuak: batetik, Abianen, Garrasika taldeak joko du, 16:00etatik aurrera. 17:00etan gutxi gora behera, berriz, Erasoka eta talde sorpresa izango dira kontzertuan, Amesti kaleko K-SET tabernan. Azkenik, 19:00etatik aurrera, Fiachras, Sumision City Blues eta Sons of K-SET taldeak igoko dira Getxoko Txorimalo gaztetxeko agertokira. Azken horretarako sarrera 5 eurotan egongo da. Argazkian, egun berean, Iñaki Gonzalo Casal "Kitxu" preso itzubaltzetarra zen kalera ateratzekoa, 197/2006 doktrina aplikatu aurretik / cc-by Algortako Herrira.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun