Honen aurrean, Algortako Ernaik borrokarako deia luzatzen du. Gu, gazteak, gara sistema honek gehien kolpatzen gaituen kolektiboa, eta zer esanik ez emakume gazteok jasatzen dugunaz. Arazoari aurre egiteko, dagoen alternatiba bakarra borrokatzea eta antolatzea delako, maiatzaren 1ean aukera bikaina dugu gazteon indarra erakusteko. Maiatzaren 1ean gazteok kalera!
Hortaz, deialdia egiten dugu maiatzaren 1ean LABek Lutxanan 12:00etan deitutako martxara.
Algortako Ernai
Horma-irudiak (© Algortako Ernai)
Apirilaren 28an Lan Osasunaren Nazioarteko Eguna izan zen, eta hamabost dira jada aurten prekarietateak eraildako langileak Euskal Herrian. Baina ez dira soilik eraildakoak; asko dira lan baldintzak kaxkarren ondorioz kaltetutako langileak. Eta ez dirudi egoerak hobera egingo duenik. Gaur egun, krisia aitzakia hartuta, langileok behin eta berriro murrizketak sufritzen ditugu, eta hori osasun laboralean ere islatzen da. Izan ere, lan karga handitzeaz gain, segurtasun laboralean gero eta gutxiago inbertitzen da. Horren adibidea da Osalanen kasua. Egoera honetan, lanpostuan istripu bat sufritzeko arriskua biderkatzen da. Eta gazteok badakigu nortzuk diren erantzuleak! Izan ere, PSOEk abiaturiko bidea jarraituz PPk ezarritako lan erreformak gizartearen ta bereziki gazteriaren egoera okertu du. Baina guk ez genuke egoera hau sufritu beharko PNVk nahi ez balu. PNVk ere politika berdinak aurrera eramaten ditu. Gauzak horrela, epe laburreko kontratuak, praktika kontratu luzapenak, soldaten murrizketak, lan kargak handitzea eta EREak, besteak beste, dira horren ondorioak. Argazkian, herriko hainbat tokietan horma-irudiak egin dituzte / © Algortako Ernai.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun