Era berean, egoera horretan mutualitateek duten papera salatu eta langileen osasunez negozioa egitea leporatu zieten. Leioan Bagabizen ustez lan-osasuna "eskubidea baino, oso garesti, batzuetan norberaren bizitzarekin, saltzen den elementua bilakatu" da. Lan istripuz heriotza gehiago izan ez dadin, "pertsonen bizitzak lan merkatuaren mesedetan jartzen dituen sistema kapitalista" gainditzera deitu zuten, tartean maiatzaren 11ko Uribe Kosta Martxan ekimenera zein maiatzaren 30eko greba orokorrera gonbitea eginez.
Azkenik, prebentzio eta osasun eredu propio baten beharra aldarrikatu zuten: "loturarik gabea, unibertsala, parte- hartzailea, publikoa, mutualitateekin loturarik izango ez duena, arreta integrala eta osoa eskainiko duena, non langileriaren osasuna, berez, eskubidea izango baiten, eta ekonomia-eragileek baldintzatuko ez dutena, baizik eta osasun-irizpideek soilik".
Enpresarien etekinek kutxak betetzeaz gain, zerraldoak ere betetzen dituztela salatu zuen herenegun Leioan Bagabiz taldeak. Lan Osasunaren Nazioarteko Egunaren harira, lan eta bizi baldintza duinen aldeko mugimenduak elkarretaratzea burutu zuen herriko bulebarrean, 2012an eta aurten hildako 76 langileen istripuak salatzeko. Horrekin batera, hainbat lan istripu irudikatu zituzten Leioan zehar, tartean BBVA edo Banesto bankuen aurrean. Leioaztarrek salatu zutenez, enpresariak "krisiaren aitzakiaz, etekinak handitzeko helburuz, langileen eskubideak murrizten ari dira etengabe: lanaldiak handitu, soldatak jaitsi, malgutasun areagotu, lan erritmo intentsibo areagotu... prekarietate eta esplotazio egoera honek, langileen nekea handitu eta arreta galtzera eramaten dute, lan istripua edukitzeko arriskua igoz. Baldintza hauek onartzeko prest ez daudenak gainera, kalera botatzen dituzte, izan ere, langileok erabili eta botatzeko merkantzia besterik ez gara". Argazkian, igandean Leioan jarritako panpinetako bat.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun