Gaurkoa da enpresak azken zortzi hilabetetan aplikatzen duen bigarren salneurri hazkundea, izan ere irailaren 1ean beste igoera bat abiatu zuen metroak, Espainiako Gobernuak agindutako eta Bizkaiko Foru Aldundiak onetsitako BEZaren igoera dela eta.
Creditrans eta Gizatrans txartelen amaiera
Bestalde, atzotik aurrera, Creditrans eta Gizatrans txartelak jada ez dira metroan saltzen eta Barik zein Barik Gizatrans euskarrietan soilik eskuratu ahal izango dira. Dena dela, halako magnetikoak erabilgarri egongo dira urtea amaitu arte. Barik euskarria erosi eta kargatzea metroko geltoki guztietako makinetan egin daiteke. Barik Gizatrans euskarria, berriz, Bezeroen Arretarako Bulegoetan erosten da, kargak, ordea, makinetan egiten dira.
Metro Bilbao garraio enpresak bidaien prezioa garestitu du gaurtik aurrera. Igoera 1 eta 3 zentimo artekoa izango da bidaia bakoitzeko, txartelaz ordainduz gero eta 2 eta 3 zentimo artekoa Creditrans bidez. 65 urtetik gorakoek erabiltzen duten Gizatransean, berriz, zentimo bakarra garestituko da bidaia. Gauzak horrela, zonalde bakarrerako txartel bakoitza 0,80 eurotan izango da salgai, 0,97 euro bi zonalderako, eta 1,08 euro hiru zonalderako. Aldizkako txartelak garestienak izango dira: joateko txartelak 1,50, 1,65 eta 1,75 euroko kostua izango du (zonaldearen arabera). Joan-etorriak bikoitza balio izango du: hiru euro, 3,30 eta 3,50 euro. Hileko txartelaz metroko gune bakarrean zehar 0,55 euro aterako da bidaia, Super 50rekin (50 bidaia 30 egunean) 0,56 euro eta urtekoarekin (26 urtetik beherako gazteena) 0,36 euro. Halaber, familia ugariek orain arte zuten beherapen berdinak izango dituzte: %20 eta 50 arteko deskontua, kategoriaren arabera. Enpresaren aburuz, "trenaren bezeroen %75i 2012ko Kontsumorako Prezioen Indizetik (KPI) behera igoko zaie txartela". Argazkian, bidaiariak metro geltoki batean, artxiboko irudian.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun