20 urteko gazte getxoztar bat hil da goizalde honetan Algortan, arma zuri batek eragindako zauriengatik, dirudienez, artazi batzuek. Goizeko 6:30ak pasata, Getxoko Udaltzaingoa Bizkerre kalean bertaratu da inguruan liskar bat izan eta gazte bat arma zuriz zauritu dela jakitean. Biktima oso larri aurkitu dute. Ondoan den DYA elkarteko zenbait medikuk gaztea artatu dute, baina ezin izan dute gaztea berpiztu eta ordubete ondoren hil dela baieztatu dute. Bitartean, Getxoko Udaltzaingoak lekukotasunak bildu eta beste mutil bat, 25 urtekoa, atxilotu du, heriotzarekin lotura duelakoan. Ertzaintzak ikerketa abiatu du eta lehenengo datuen arabera, atxilotuak biktima zauritu du artaziez joz. Guraizeak inguruetan topatu dituzte. Epaitegiko batzordeak gorpua altxatzea agindu eta hilotza autopsia egitera eraman dute. Segurtasun Sailaren arabera, hilketaren biktimak zein ustezko egileak jatorri perutarra dute. Argazkian, Getxoko udaltzainak hilotz bat zaintzen artxiboko irudian.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun