Lonja itxiko dute
Getxoko Udalak adierazitakoaren arabera, azken hiru urteotan Udaltzaingoak gertaera jazo zen lokalean zaratagatik edo molestatzeagatik lau gertakariren berri jaso du. Horien ondoren, tokiko poliziak aktak zabaldu zituen, beharrezko instrukzioak bideratu zituztenak. Era berean, aipatutako aldean hainbat zaintza-lana burutu zituzten eta pasa den uztailaz geroztik ez da inolako kexarik izan, azaldu dutenez. Aldi berean, Hirigintzako sailak jarduera erregularizatzeko dilijentziak ireki zituen. Establezimenduaren jabeak pasa den azaroan idatzi bat aurkeztu zuen eta horretan 90 eguneko epea eskatu zuen lokala erregularizatzeko proiektua prestatu eta aurkeztu ahal izateko. Hala ere, aipatutako epea inolako proiekturik aurkeztu gabe pasa dela ikusita, Udalak aipatutako jarduera itxi egingo du. "Esan ere, Bizkerre inguruan bi lapurreta-saiakera baino ez direla izan (ibilgailu batean eta denda batean) eta beste behin pneumatiko batzuk sutan agertu zirela lokalaren atean. Pasa den uztailaz geroztik ez da deirik izan; ezta zaratagatik edo eragozpenengatik kexen berri ere. Horregatik asteburuan udalerrian gertatutakoa gertaera tragiko puntual bat izan da", gaineratu dute Udaletik.
Estereotipo faltsuen kontra
Azkenik, pertsonen jatorria aipatu izanak penatu egin du alkatea, gertaera “pertsona baten heriotza tragiko eta bortitza izan denean, delitu zehatz baten ondorioa izan dena eta ustezko erantzule zehatz batekin, jadanik atxilotua izan dena eta Justiziak epaituko duena non jaio den kontuan hartu gabe”. “Kolektibo etniko baten estigmatizazioa mantentzeak bizikidetzarako argi eta garbi kaltegarriak diren estereotipo faltsuak indartzea baino ez du eragiten”, nabarmendu du Imanol Landak.
Imanol Landa Getxoko alkateak Algortan igande goizean era bortitzean hildako gazte getxoztarraren familiari bere dolumina agertu dio publikoki. “Gazte baten heriotz bortitzaz hitz egiten ari gara, etenda geratu den bizitzaz eta ondorioz ikuspuntu guztietatik tragedia batez”, adierazi du udal agintariak. Landak, gainera, bere gaitzespena ere agertu du, “indarkeriaren edozein erabileraren aurrean beti egin dudan bezala, ezin delako inoiz eta inolaz ere indarkeriaren erabilera justifikatu”. Alkateak Bozeramaleen Udal Batzordea deitu du asteburuan izandako gertaeraren berri emateko. Tokiko iturriek nabarmendu dutenez, "duela 12 urtetik hona Getxo udalerrian indarkeriazko metodoak erabilita hiltzen den lehenengo pertsona" izan da asteburukoa. Gaineratu dutenez, iaz, pertsonen arteko liskarrei lotutako gertaeren kopurua jaitsi egin zen, 2011n 280 izatetik iaz 242 izatera pasa baitzen, "hori guztia Udaltzaingoak iskanbilak ekiditeko burututako presio handiari esker". Era berean, lonjatan zaratagatik izandako arazoen kopurua ere jaitsi egin zen, 2011n 153 gertatu ziren bitartean; 2012an 142 izan baitziren. Hala ere, ez da asteburu honetan gertatutako indarkeriazko gertaera bakarra izan gazte getxoztarraren erailketa. Igande goizean Algortako Sarrikobaso kaleko okindegi batean egin zuten lapurreta, bertoko jabea buruan kolpatuz. Argazkian, Imanol Landa Getxoko alkatea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun