Autoak espaloietan
Erandioko PSE-EEren irudikoz, plaza horretan Getxo kaleko luzapenean diren etxebizitzetarako zein kultur zentrorako sarbideetan egoera oso negatiboa da: "lurzorua irristagarria da, lauzak oso leunduta daudelako eta, gainera, olioa dago, ondoko etxeetako parking-eko sarbidean ibilgailu batzuetatik eroritakoa". Otermin kexu agertu da salaketa behin eta berriro eginagatik Udalak "ez duelako ezer egin" eta "oinezko batzuk gehiago erori direlako, haietako batzuk lesio larriak izan dituztela".
Azkenik, ibilgailuak uzteko toki faltak eraginda, hainbat gidarik autoak espaloietara igo eta pasabidea oztopatzen dutela kritikatu du Oterminek. Horregatik guztiagatik PSE-EEk Joseba Goikouria alkateari eskatu dio espaloiak eta aisialdi guneak konpontzeko premiazko plana abia dezan, Josu Murueta plazatik hasita. Era berean, aparkalekuak zaindu eta oinezkoen zirkulazioa oztopatu ez dadin neurriak har ditzan eskatu diote.
Erandioko PSE-EEk udalerriko espaloiak eta pasaguneak premiaz konpontzea eskatu dio Udalari, bereziki Astrabuduako Josu Murueta plazakoak. Juan Otermin sozialisten bozeramailearen arabera, "nabaria da aisialdirako zenbait gunetan zein pasabideetan espaloiek eta lauzek duten egoera txarra". Oterminek gogoratu duenez ez da lehenengo aldia egoera hori konpontzea eskatu dutenik: "lauza apurtuak edo txarto finkatuak daudela aspertu arte salatu dugu". Era berean, zuhaitz askoren txorkoek babes neurririk ez dutela eta beste zuhaitz batzuen sustraiek espaloi zatiak altxatu dituztela ere kritikatu dute sozialistek. Gainera, azken arazo horrek "bertatik pasatzen diren guztientzat ageriko arriskua sortzen" duela, "bereziki mugikortasun arazoak dituztenentzat", nabarmendu dute. Egoera Astrabuduako Josu Murueta plazan oraindik okerrago dela irizten diote. Argazkian, Juan Otermin.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun