Gertaera horrek erakusten du, beste behin ere, protesta kriminalizatzen dela, oinarrizko eskubide zibil eta politikoak erasotzen dituztela eta, batez ere, Euskal Herriaren kontrako errepresio-tresna moduan Estatuko segurtasun-indarrek erabilitako torturaren salaketa kaletik ezabatzen saiatzen direla; areago gero eta pertsona gehiagok eskatzen diotenean espainiar estatuari polizia-etxean torturak saihesteko neurri zehatzak hartzeko.
Torturen Prebentziorako Europako Batzordearen txostenaren berri izan dugu aste honetan. Hamarnaka euskal herritarren salaketak jasotzen dituzte txosten horretan eta espainiar Estatua kritikatzen dute euren gomendioak ez gauzatzeagatik.
Euskal jendarteak argi utzi du, askotan, Euskal Herriak bizi duen gatazka politikoaren konponketa demokratikoaren alde dagoela. Eta bertan ez daukate lekurik ez errepresioak, ez torturak.
Leioako Sortuk leioaztarren absoluzioa exijitzen du, eta eskubide zibil eta politikoen urraketen kontrako herri harresia eraikitzera animatzen du. Soilik herri-presioak bermatuko du askatasun demokratikoak errespetatzea, prozesua ahalbidetuz, norantz eta proiektu politiko guztiak egingarriak izango diren esparru juridikorantz, independentzia barne.
Leioako Sortu
Gaur [atzo] bost leioaztar epaitu dituzte Bilbon: horietako birentzat 8 hilabeteko kartzela zigorra eskatu dute eta gainontzeko hirurentzat 500 euroko isuna. Gertaerak 2010eko irailean jazo ziren, Guardia Zibilak Leioako militante independentista bat atxilotu zuenean, Euskal Herriko beste hainbat lagunekin batera, bere militantzia politikoa zela-eta. Denek salatu zuten torturatu zituztela. Hori bera salatzeko torturaren aurkako erakusketa bat ipini eta informazioa banatu zen Leioan. Hainbat egunez arazo barik egin zen lan hori, Ertzaintzak salaketa hori kaletik ezabatzea erabaki zuen arte: erakusketa kendu zuen bertan zeuden lagunak irainduz eta bultzatuz, eta horietako bi atxilotuz.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun