Hori guztiori gutxi balitz, agente emakume bati birritan espedientea ezarri diote "lanean zebilela menstruazioa izan" eta konpresa jartzera joan zelako, "lana uztea" egotzita. Bizkaiko Guardia Zibilaren jarrera matxista eta atzerakoia gaitzetsi du UGCko idazkari nagusiak. Bestalde, Bilbon buruzagietako bat "tratu txarrak direla eta kondenatuta dago, urruntze agindua du eta ez luke lanean egon behar".
Bizkaiko Komandantzian dagoen entxufe ilegalen kopurua ere salatu dute. Izan ere, hainbat lanpostu atzamarrez aukeratzen dira, "erabateko obedientzian aritzeko". Horrek dakarren arriskua nabarmendu du Matok, agintariek iragan ilunak faltan botatzen dituztela iritzita.
Matoren ustez, Eibarko gertaerak bezalakoak errepikatzea denbora kontua baino ez da. Herri horretan, guardia zibil batek buruaz beste egin zuen 2009an. Era berean, agintari haietako batzuek "terrorismoaren garai gogorretatik" arazoak izan ditzaketela uste du. UGCk emandako datuen arabera, Bizkaian dauden guardia zibilen %40 osatzen dute elkarte hori.
Bizkaiko Guardia Zibilen Batasunak (UGC) Bizkaiko Benemeritako agintari guztiei "azterketa psikologikoa" egitea eskatu zuen atzo, Bilboko UGT sindikatuaren egoitzan egindako prentsaurrekoan. Zehazki, beren erantzukizunak betetzeko "baldintzetan daudenetz baloratzea" nahi dute. Manolo Mato UGCko idazkari nagusiaren ustez, lurraldeko buruzagietako askok erakundea utzi beharko luke "parametro demokratikoen arabera ez jarduteagatik eta hiritarrentzat arriskua delako". Matok azaldu duenez, "orain dela gutxira arte, komandantziatik kanpo bazen ETAren terrorismoa, baina barruan beste terrorismo baten menpe gaude, zaharkituta dauden buruzagiena, zuzenbide estatura egokitu ez direnak, joandako garaiak faltan botatzen dutenak. Haietako batzuek 'hau Francorekin ez zen gertatzen' bezalako gozokeriak botatzen dituzte". Horrelako jendea "premiaz" Guardia Zibiletik "baztertzea" eskatu du. UGCk ziurtatu du "ETAk su-etena iragarri zuenetik presioak ugaltzen hasi" zirela eta "jada ez dagoenez hainbeste terrorista edo kale borroka jazartzeko, guardia zibilak jazartzen" dituztela. Matxismoa, entxufeak eta umiliazioak ere kritikatu ditu. Argazkian, hainbat guardia zibil Leioan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun