Konbtzertuaren kartela
20. urteurrena ospatuko du gaur Erandion Penadas Por La Ley emakumeen punk taldeak
Argentinako punk doinuen festa bilakatuko da gaur Erandioko Sentinel Rock aretoak. Izan ere, arratsaldeko 7:30etik aurrera, Penadas Por La Ley uztailean 20 urte beteko dituen emakumeen punk taldeak zein 29 urtez combat rock jotzen dabilen Argies gizonezkoen bandak lehen solairuko oholtzara igo eta kontzertu gogoangarria emango dute. Sarrera bost eurotan eskuratu ahal izango da. Halere, emanaldiak gabezi nabarmena izango du, Penadas Por La Ley-ren bateria joleak, Maider, berriki taldea utzi baitu. Halere, beste bi musikariak, Naty eta Fabi, ez dira kikildu eta MCDko Jimmy-ri esker jada lotuta zituzten kontzertuei erantzuteko bira abiatu zuten astelehenean, bizi duten giroa ederki islatzen duena: Kamikaze Tour 2013. Bestalde, Argies Europa zaharretik zehar ari da biran, punk doinuak lantzen dituzte, beraien burua combat rock bezala identifikatuz. Taldea 1984an sortu zuten Argentinako Rosario hirian, herrialdeko punkaren erreferente zuzena bilakatuz. Argentinan kontzertu ugari eskaintzen dituzte, eta era berean, Txina, Europa, Hego Afrika edo Asian ere izan dira. Argazkian, Naty eta Fabi Penadas Por La Ley Taldeko kideak / cc-by-nc-nd Borja Triviño - Insonoro.com.
Penadas Por La Ley-k 1996an argitaratu zuen "Sexo Debil?" lehenengo diskoa. Bost urte beranduago Fabi eta Naty bilbotartu eta hiru urtez aritu ziren jotzen 2004ra arte. Ondoren sei urtez izan ziren lehorrean, 2010ean Maider taldean sartu eta berriz kontzertuei ekin arte. Iaz, "Sueña, Vive y Peka" bigarren diskoa grabatu zuten eta pasa den martxoan Mexikon izan ziren jiran. Handik bueltatu eta gutxira utzi zuen taldea Maiderrek. Taldea uztaileko 20. urteurrenera helduko den ikusteke dago, baina beste kideak aurrera jotzeko saiatzen ari dira.
Konbtzertuaren kartela
Konbtzertuaren kartela
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun