Itzubaltzetako Emakume Asanbladak antolatuta, gizontasunari buruzko hitzaldia izango da gaur Itzubaltzeta / Romoko Gobela kiroldegian. Hitzordua arratsaldeko 6:30ean jarri dute eta ekimena gizonezkoei zuzenduta dago. Erabat doakoa da. Jarduera aurrera eramateko, IEAk Bilboko Piper Txuriak berdintasunaren aldeko gizon taldearen laguntza izan dute. Talde horrek gizonezkoen arteko "hausnarketa eta adiskidetasun gunea" eratu du, "sexismoak nola eragiten digun adierazi eta kontatzea ahalbidetzen digun, baita gure esperientzi eta bizipenak, eta gizona izatearen esangura eta ondorioak partekatu ere". Haien xedea haien buruak eta gizartea aldatzea da, "gure pentsaeran, sentieran eta jokatzeko moduan" aldaketak eragiten. Haien aburuz, "elkartasuna, errespetua eta maitasuna oinarri, barne hausnarketa bide luzea abiarazi dugu sexismoaren suntsiketarantz". Eskualdean talderik antzekoena Leioako Haika Mutil gizonezkoen taldea da. Halere, talde hori mugimendu feministarekin batera emakumeen aurkako bortxakeria desagerrarazteko eta "berdintasunean eta justizian oinarritutako gizartean eraikitzeko" egiten du lan, ekimen publikoan jartzen dutela indarra. Argazkian, Piper Txuriakek eta Deustuko modulu psikosozialak parekidetasunari buruz osatu berri duten argazki erakusketako irudi bat / © Guillermo Casas.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun