Astebururako iragarpena
Larunbaterako eguraldi oso euritsua espero dugu. Goizean botako du gehiena eta orduan hainbat tokitan euria ia etengabe egingo du. Gainera tarteka trumoi-ekaitzak jo dezake. Haizea mendebaldetik etorriko da, eta kostaldean zakar joko du. Barnealdean haizeak ipar-mendebaldeko norabidea hartuko du eta ez du hainbesteko indarrik izango. Gauzak horrela, eguneko tenperatura aurreko egunetan baino gutxiago igoko da eta 15 ºC-tik behera geldituko da. Elurra, 1300-1500 metrora botako du. Eguna bukatu aurretik atertzeko joera hartuko du eguraldiak. Kostaldeari dagokionez, zerua oso hodeitsu edo estalia egongo da. Prezipitazio ertaina eta iraunkorra egingo du, egunaren amaieran atertzeko joera izango du. Egunaren lehen partean, handiak, trumoitsuak eta txingorrarekin izateko probabilitatea handia da. Mendebal eta ipar-mendebaldeko haize ahul-bizia ibiliko da, bolada gogorrekin eta oso gogor batzuekin. Tenperaturan minimoetan aldaketarik ez eta maximoetan aldaketarik ez edo gutxi jaitsiko dira.
Igandean, giroa euritsua izango da egun osoz, baina larunbatean baino litro gutxiago pilatzea espero dugu. Zaparradak tarteka baino ez ditu botako eta goizean gehienak ez dira oso garrantzitsuak izango. Hala ere, arratsaldean zaparrada trumoitsuren bat botatzeko arriskua handitu egingo da berriro. Giroa freskoa izango da beste egun batez, ipar-mendebaldeko haizea eta lainoak oso ugariak izango baitira. Arratsaldean eta kostaldean, ipar-mendebaldeko haizeak indarra galduko du.
Euskalmet Meteorologiaren Euskal Agentziak jakinarazi du abisu horia eman duela gaurko, ostirala, arratsaldeko 3etatik 6etara. Abisuaren arrazoia aurreikusitako prezipitazio handiak dira, euri jazarra, alegia. Izan ere, egunak aurrera joan ahala ezegonkortasuna handitu egingo da. Arratsaldetik aurrera, zerua estali egingo da berriro eta euri gehiago egingo du; zaparradak mardulagoak izango dira eta trumoi-ekaitza eta txingorra bota dezake. Elurra 1400-1500 metroko gailurretan botako du. Tenperatura freskoa izango da eta beroenak 14-15 ºC inguruan kokatuko dira. Kostaldean, zaparrada txiki-ertainak botako ditu, bereziki egunaren bigarren partean. Trumoi-ekaitza botatzeko probabilitatea handia da. Handiak izan eta txingorra botatzeko probabilitatea txikia da. Hego-osagaiko haize ahula ibiliko da, goizean iparraldera aldatuko da. Tenperatura maximoak gutxi igoko dira. Argibide gehiagorako, kontsultatu UKBERRI.NETeko eguraldi zerbitzua. Argazkian, hainbat neska aterki azpian, artxiboko irudian.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun