Ongizate estatuaren gain-beherak eta azken urteotan hiritarrek pairatzen dituzten murrizketek kezka sortua dute dagoeneko uribekostarren artean. Horren erakusle da gaur arratsaldean Euzko Alderdi Jeltzaleak eta Pentsionistak Martxan plataformak emango duten hitzaldi bana. Jeltzaleek Juan Maria Aburto Rike Eusko Jaurlaritzako Enplegu eta Gizarte Politiketarako sailburua ekarriko dute "Politicas sociales, garantia de cohesion social" hitzaldia eman dezan. Arratsaldeko 7:30ean jarri dute hitzordua, Algortako batzokiko areto nagusian. Pentsionistak Martxan taldeari dagokionez, "La reforma de las pensiones y el copago sanitario" solasaldia burutuko du Villamonte kaleko kultur etxean arratsaldeko 7etan. Ez dute zehaztu zein izango den hizlaria. Hitzaldi bata zein bestea espainolez izango dira. Aipagarria da Bizkaiko Foru Aldundian izan den bitartean Aburto izan dela Pentsionistak Martxan plataformaren kritiken jomuga. Argazkian, Pentsionistak Martxanen elkarretaratze bat / © Bilboko Elkartzen.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun