Larunbat eta igandeko egitaraua
Larunbata, maiatzak 18
• 11:00 / 11:30, plastiko eta zabor garbiketa Portu Zaharreko hondartzan.
• 11:30 / 12:30, plastiko eta zabor garbiketa Jenaratxu parkean.
• 12:45 / 13:30, bertako garagardoaren dastaketa.
• 13:30 / 16:30, herri bazkaria (aurretik Txomin tabernan izena eman behar da).
• 16:00 / 16:30, tarta eta postre txapelketa Etxetxun.
• 17:00 / 18:30, paseoa portutik eta lore txapelketa. Auzotarrek bisitariei zein auzokideei ezkutatutako txokoak erakutsiko diete. Epai-mahaikideek bitartean balkoietako loreak puntuatuko dituzte.
• 18:30, lore txapelketaren sari emanaldia Etxetxun.
• 18:30 / 23:00, Mellow Soul & Sunshine Rock binilo saioa Etxetxun, rubia, fakeband, nitelife soul eta basque scootering circus-ekin.
Igandea, maiatzak 19
• 11:00 / 15:00, portuko argazki zaharren erakusketa Etxetxun.
• 11:00 / 15:00, Saltruke. Auzokideek behar edo nahi ez dituzten gauzak etxeko atearen aurrean utziko dituzte eta beste etxeetakoak hartzeko aukera izango dute. Ezinbestekoa da Txomin tabernan dagoeneko izena emanda izatea.
Orain bi urte, Getxo Udalak utzita zituztela iritzita, Algortako Portu Zaharreko hainbat auzokide batzartzeari ekin zion. Pasa den otsailaren bukaeran, Portuzarra auzotarren elkartea eratu eta Imanol Landa Getxoko alkatearekin eta hainbat zinegotzirekin batu ziren handik gutxira, auzoko biztanleen ekimen plana aurkezteko. Dagoeneko auzoaren herena da elkarteko kidea eta indar hori islatu, herria dinamizatu eta auzokideen arteko harremanak sustatzeko asmoz Auzotarren Eguna antolatu dute asteburu honetarako, nahiz eta ekimena asteburu osora zabaldu den. Atzo, Etxetxu garbitu eta egokitzeko auzolana egin zuten eta gaur arratsaldeko 8etan adinekoei omenaldia egin diete, ondoren Eusko Ikaskuntzak Portu Zaharraz egindako dokumentala Etxetxun proiektatuko dutela. Halere, bihar izango da egunik zabalena, goizetik gauera arte etengabeko ekimen sorta izango dela. Argazkian, atzoko auzolana / © Portuzarra elkartea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun