Nekazaritza Sailaren menpeko zentro horrek orain arte beste basakatu ale batzuk sendatu ditu, baina denak etxeko katuekin edo katu sasi-basatiekin nahastutakoak. Artzentaleseko herritar batzuek deitu zuten animalia zepo batean harrapatuta zegoela jakinarazteko eta Base Gorriko langileak azkar agertu ziren eta berehala eraman zuten Gorlizeko zentrora. Hantxe egon da joandako abenduaren 15etik, eta bertan tratamendu kirurgikoa eta zainketa egokiak eman zaizkio, erabat osatu arte.
Gaur egun aske mugitzen du kaltetutako artikulazioa eta ondo moldatzen da zentroko instalazioen barruan; eskura jartzen zaizkion pieza biziak harrapatzeko gai da, eta kaiola gisako bizitokian ipintzen zaizkion oztopoak erraz gainditzen ditu.
Basakatua heldu zenean eta orain, argazkitan (© BFA)
Bizkaiko Foru Aldundiak Gorlizen duen Fauna Basatia Sendatzeko Zentroan osatu da Base Gorriko langileek abenduan Artzentalesen erreskatatutako basakatua. Felis silvestris silvestris espezieko basakatu hori arrazaren garbitasunari eusten dioten Bizkaiko Lurralde Historikoko ale bakanetako bat da eta Mehatxupeko Espezien Euskal Katalogoaren barruan dago sartuta, interes bereziko moduan sailkatuta. Osasun koadro larria zuen, narriadura orokorra eta seguruen zepo batek eragindako beheko gorputz-adarreko haustura ireki bat, eta tratamendu eta zainketa egokiak ezarri ondoren animaliak ia erabat berreskuratu du mugikortasuna, eta orain bere ingurune naturalera bueltatzeko zain dago, aurkitu zuten toki ingurura, ea ondo moldatzen den ikusteko. Argazkian, basakatua osatuta, Gorlizen / © Bizkaiko Foru Aldundia.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun