Hainbat antzezlanetan zuzendaritza eta aktore lanetan ari da; baita hainbat zinema proiektutan ere.
Telebistari dagokionez, Estatu mailan “teorian umorezkoak” diren hainbat programetan parte hartu du: komiko, gidoilari, aktore, bikoiztaile, erreportari eta aurkezle lanetan. Agustiin Jimeenez, Toni Moog eta Santi Rodriiguez-ekin batera, liburu bat idaztera ere animatu da.
Paramount Comedy-n, aldiz,"Noche sin Tregua"-n kolaboratu du, eta hiru bakarrizketa grabatu ditu: "Misha y alcohol", "Vamos, Gerva!" eta "Cocina experimental". Eta oraintxe bertan, laugarren bakarrizketa batean lanean ari da: "Esto es todo, amigos!".
Etzi, ostiralarekin, Txabi Franquesa aktore katalanaren bakarrizketa izango da Kurtzio kultur etxean, arratsaldeko 9etan. Espainolezko saiorako sarrera sei eurotan eros daiteke udaletxean, Kurtzio kultur etxean eta Sopelarinen. Franquesa kataluniarra da, 37 urtekoa, kaukasiar arrazakoa, 1,90 metroko luzerakoa, "kanpoaldeko gorpuzkera tipikoa" du eta "oinetako 48 harrigarriak" erabiltzen ditu, aktoreak berak aitortzen duenez. Bartzelonan jaio eta hazi zen, eta "boluntariorik topatzekotan bertan ugaltzeko asmoa" ere badu. Baina "aukera izatekotan, zientziaren baimenaz", bera ere "haurdun geratzeko prest" dago. Gizon hori hirukiak sabelean izateko gai da. Bakarrizketetan ari diren lankideen sabelek argi uzten dute hori posible dela. Profesionalki, artista “polipatetiko” legez izendatzen dute. Hainbat arlo lantzen ditu: antzerkia, zinema eta telebista. Baina egoera ekonomikoa zelan dagoen ikusita, litekeena da Madrilgo Atocha geltokiko komunak garbitzen amaitzea. Argazkia: © Txabi Franquesa Olivares.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun